Gara e tij e papërgjegjshme mori fund në një arë me drithëra, ku ai pasi e ndaloi makinën, iku, duke e lënë vajzën aty.
Një burrë 33 vjeçar nga Kosova, duke ngarë makinën e tij në autostradën gjermane A 1 “po shtyhej në garë” me policinë. Policët po provonin ta kapnin makinën me regjistrim francez që e ngiste kosovari, në segmentin e autostradës Bramsche-Neuenkirchen-Vörden, shkruan osradio.de.
Ai pastaj i jepte më shumë gas makinës, tejkalonte policinë disa herë duke marrë anën e djathtë të shiritit të autostradës dhe duke rrezikuar kështu edhe pjesëmarrësit tjerë në trafik.
Gara e tij e papërgjegjshme mori fund në një arë me drithëra, ku ai pasi e ndaloi makinën, iku prej saj, transmeton albinfo.ch. Por ai, duke ikur vetë, në makinë e kishte lënë vajzën e tij 6 vjeçare!
Pak kohë më vonë policia arriti ta zinte të ikurin.
Siç u konstatua pastaj, ai ishte dëbuar nga Gjermania para dy javësh por kishte hyrë sërish në vend, ilegalisht.
Sipas hetimeve të para, automobili të cilin ai po e ngiste, nuk ishte as i lejuar, as i siguruar dhe as i tatuar.
33 vjeçari u arrestua ndërsa patrentshoferi i tij u konfiskua nga policia, e cila njoftoi nënën e fëmijës që të vinte ta merrte.
Kosovari “garon” me policinë, pastaj ikë duke e lënë vajzën 6 vjeçe në makinë
