Kosovari akuzohet se ka trafikuar tre kosovarë tjerë

Vozitësi i makinës, shtetas kosovar është identifikuar para policisë me dokumente të rregullta. Ndërsa tre personat tjerë në makinë, të tretë kosovarë, nuk kishin me vete leje për hyrje dhe për qëndrim në Gjermani.

Policia Federale e Gjermanisë për regjionin e Munihut ka kapur të martën, më 30 gusht në tunelin kufitar në Füssen një shtetas kosovar, të dyshuar për trafikim me qenie njerëzore. Personi 30 vjeçar fajësohet se ka futur ilegalisht nga Austria në Gjermani një numër bashkatdhetarësh të tij, shkruan all-in.de.

Ai është kapur me rastin e një kontrollimi që Policia Federale u ka bërë në autostradën A7 personave që ndodheshin në një makinë me regjistrim italian, transmeton albinfo.ch. Vozitësi i makinës, shtetas kosovar është identifikuar para policisë me dokumente të rregullta. Ndërsa tre personat tjerë në makinë, të tretë kosovarë, nuk kishin me vete leje për hyrje dhe për qëndrim në Gjermani. Në vend të kësaj, policia gjatë kontrollimit të veturës ka gjetur një letërnjoftimi italian, i cili rezultoi i falsifikuar. Ky dokument është konfiskuar nga policia.

Sipas deklarimit të personave të përmendur, ata ishin duke shkuar në Belgjikë, për të punuar, përcjell albinfo.ch. Pas përfundimit të masave policore, të tre kosovarët u detyruan të lëshojnë territorin gjerman gjegjësisht iu dorëzuan autoriteteve austriake. Ndërsa shoferi i tyre, i cili jeton në Itali, u lirua nga policia vetëm pasi që pagoi depozitën prej 1200 eurove, të caktuar nga prokuroria publike. Kjo shumë e parave shërben për sigurimin e procedurës penale kundër këtij personi, të dyshuar si trafikues.

Kosovari akuzohet se ka trafikuar tre kosovarë tjerë

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).