Kosovari 26-vjeçar i ikën policisë dhe hedh armën nga dritarja

Ai kishte hedhur një objekt nga dritarja, që më vonë u vërtetua se ishte një armë zjarri e mbushur. Janë gjetur dhe sekuestruar edhe lëndë të dyshuara narkotike.

Të shtunën pasdite, policia është vënë në ndjekje të një shoferi i cili i kishte ikur asaj nga një pikë kontrolli. Policët përfundimisht e gjetën makinën në një areeal të një kompanie

Patrulla e Policisë Kantonale të St. Gallenit kishte vënë re një makinë në zonën e portit Staad pak pas orës 16 të pasdites të shtunën dhe kishte ndërmend ta ndalonte atë për inspektim, trasnmeton albinfo.ch. Kur patrulla e urdhëroi atë të ndalonte, ai iku drejt lokalitetit Thal, St. Gallen.

Ai ka drejtuar makinën përmes Rheineckut të St. Gallenit, pjesërisht në drejtimin e gabuar në rrugë me një drejtim dhe nëpër zona të ndaluara hyrjeje, sipas Policisë Kantonale të St. Gallenit, shkruan 20minuten.ch. Shoferi me këtë rast ka rrezikuar pjesëmarrësit tjerë në trafik dhe ka shkaktuar disa përplasje.

Patrullat pastaj kanë ndërprerë ndjekjen pranë Burietstrasse në Thal, St. Gallen, për arsye sigurie. Një kërkim në këmbë ka filluar menjëherë dhe makina u gjet e braktisur në ambientet e kompanisë në parkun industrial.

Policia pastaj ka kërkuar shoferin në arrati me një qen policie dhe ka arritur ta gjente dhe arrestonte atë. Ai është një 26-vjeçar kosovar, banor i rajonit, sipas policisë kantonale, përcjell albinfo.ch. Leja e tij e drejtimit ishte revokuar më parë dhe policia kërkoi një mostër gjaku dhe urine me dyshimin për drejtim mjeti nën ndikimin e alkoolit.

Ndërsa kishte qenë duke ikur, ai kishte hedhur një objekt nga dritarja, i cili më vonë u përcaktua të ishte një çantë që përmbante një armë zjarri të mbushur. Policia gjithashtu gjeti dhe sekuestroi lëndë të dyshuara narkotike.