Kosovarët të parët për azil në Gjermani

Nëse në muajin e parë të vitit 2014 nga Kosova kanë kërkuar azil në Gjermani 1,001 persona, në janarin 2015 ky numër është rritur në 11,383.Siç bën të ditur Ministria Federale e Punëve të Brendshme, në muajt janar dhe shkurt, në Gjermani, gjegjësisht në Zyrën Federale për Migracion janë regjistruar 51,938 kërkesa për azil. Kjo përbën një rritje prej 99.2 për qind, transmeton albinfo.

Në vendin e parë për nga numri i azilkërkuesve është Kosova dhe pas saj vijnë Siria dhe Serbia.

Rritje veçanërisht të madhe ka shënuari numri i azilkërkuesve kosovarë. Në raport me janarin e vitit 2014, ky numër është shtuar mbi dhjetëfish (1,000%).

Kështu, nëse në muajin e parë të vitit 2014 nga Kosova kanë kërkuar azil në Gjermani 1,001 persona, në janarin 2015 ky numër është rritur në 11,383.

Gjatë këtyre dy muajve është vendosur për 35,400 kërkesa azili, me ç`rast 40% kanë marrë përgjigje pozitive, gjegjësisht u është njohur statusi i refugjatit, njofton agjencia DPA. Por, në mesin e tyre vetëm 456 ose 1.3% kanë marrë njohjen e azilit në bazë të Kushtetutës gjermane.