Kosovarët, nënë dhe djalë, dënohen për tejkalim të shpejtësisë

Nënë e djalë zihen brenda 90 minutash në të njëjtin vend duke tejkaluar shpejtësinë. Kjo ka ndodhur në vikendin kaluar në Emmen të Lucernit, me ç`rast gruaja 51 vjeçe nga Kosova dhe djali i saj 19 vjeçar janë “fotografuar” nga i njëjti radar dhe brenda një orë e gjysmë. Djali ka rënë në kurthin e radarit në orën 16.30 derisa po ia shkelte me 105 kilometra në orë në zonën ku lejohet vetëm 60 km/h. Ndërsa e ëma, në orën 18 në vendin e njëjtë është fotografuar duke vozitur 110 kilometra në orë, shkruan “Neue Luzerner Zeitung”, transmeton albinfo.ch.

Pasi që te të dytë është konstatuar shkelje e konsiderueshme e rregullave të komunikacionit, nënës dhe djalit u është marrë patentshoferi në vendin e ngjarjes.

Siç ka bërë të ditur prokuroria, nënë e birë kanë qenë duke vozitur me veturën e njëjtë në të dy rastet.

Në kuadrin e kontrollit rutinor të bërë të shtunën policia e Luzernit ka kapur në zonën 80 kilometërshe një motoçiklist nga Serbia i cili kishte vozitur 183 kilometra në orë. Motoçiklisti 23 vjeçar është arrestuar dhe me këtë rast i është konfiskuar motoçikleta.