Kosovarët, në vendin e tretë për pajisje me pasaportën austriake

Në vendin e tretë për nga marrja e nënshtetësisë austriake vijnë kosovarët, me 664 sish. Para tyre janë boshnjakët me 1300 dhe turqit, me 779.

Gjatë vitit 2017, pasaportat austriake i kanë marrë 9271 persona , që është 7.5% më shumë se një vit më parë. Më së shumti të natyralizuar ka pasur nga komuniteti boshnjak, shkruajnë mediet austriake.

Më shumë se një e treta e të natyralizuarve, ose 35% janë njerëz që janë të lindur në Austri ndërsa 37% të tyre janë më të rinj se 18 vjeçarë.

Shtetasit e Bosnjë e Hercegovinës me 1300 të natyralizuar kanë qenë edhe kësaj here në vendin e parë në këtë konkurrencë, duke lënë shumë mbrapa turqit, me 779, transmeton albinfo.ch. Ndërsa bie në sy se në vendin e tretë për nga marrja e nënshtetësisë (pasaportës) austriake vijnë kosovarët, me 664 sish. Serbët, me 557 të natyralizuar, janë në vendin e katërt.

Nga viti 2003 që me 45.112 “austriakë të rinj” konsiderohet rekord absolut, numri i të huajve që kanë marrë pasaportën austriake ka shkuar v azhdimisht në rënie. Kështu, në vitin 2010 ky numër kishte rënë në 6190, që është po ashtu ekstremi tjetër, përcjell albinfo.ch. Nga viti 2011 pastaj ka filluar një ngritje e ngadalshme (6754), për të mbërritur në vitin 2017 në 9271.

http://www.albinfo.ch/kosovaret-ne-vendin-e-trete-per-pajisje-pasaporten-austriake/