Kosovarët, në vendin e katërt për marrjen e pasaportës austriake

871 boshnjakë kanë marrë shtetësinë e Austrisë gjatë nëntë muajve të këtij viti. Pas tyre vijnë turqit me 600, serbët me 538 dhe kosovarët me 317 natyralizime.

Sipas Zyrës austriake të statistikës, në nëntë muajt e deritashëm të vitit 2016, shtetësinë e Austrisë e kanë marrë 6278 persona me prejardhje të huaj, 69 prej të cilëve vazhdojnë të jetojnë jashtë këtij vendi. Ky numër është për 3.1 për qind më i madh se ai i një viti më parë, shkruan heute.at. Me shifra, i bie që gjatë këtyre nëntë muajve janë bërë 186 natyralizime më shumë se në periudhën e njëjtë të vitit të kaluar, transmeton albinfo.ch.

Sipas zyrës së përmendur, kjo ngritje është vazhdim i trendit të filluar nga viti 2011.

Më së shumti shtetas të rinj austriakë vijnë nga Bosnja e Hercegovina. 871 boshnjakë kanë marrë shtetësinë e Austrisë gjatë nëntë muajve të këtij viti. Me këtë numër ata përbëjnë 13.9 për qind të të gjithë të natyralizuarve në Austri gjatë kësaj periudhe. Në vendin e dytë vijnë turqit (600 persona gjegjësisht 9.6% nga numri i përgjithshëm), serbët me 538 dhe kosovarët me 317 natyralizime, përcjell albinfo.ch. Më tutje në listë janë shtetasit e Rusisë (275), Afganistanit (257), Maqedonisë (230) etj.

58.% e të gjithë shtetasve të rinj të Austrisë kanë prejardhjen nga këto shtete ndërsa 34.8% e të gjithëve, janë të lindur në Austri.

http://www.albinfo.ch/kosovaret-ne-vendin-e-katert-per-marrjen-e-pasaportes-austriake/