Kosova U19 për herë të dytë radhazi fituese e “Roma Caput Mundi” në Itali

Djelmoshat e përzgjedhësit të Kombëtares U19 të Ramiz Krasniqit me shumë dinjitet sportiv e kulturë të lartë sportive, kanë arritur të jenë fitues i turneut të madh futbollistik “Roma Caput Mundi” në Itali, duke e mposhtur në finale Lazio-U19 me rezultat 2-1.

Kombëtarja e Kosovës me përzgjedhësin e saj, Ramiz Krasniqi këtë sukses e kishte arritur edhe në vitin 2020 kur ishte shpallur fituese, ndërsa në vitin 2021 kjo garë prestigjioze nuk është mbajtur për shkak pandemisë COVID 19.

Kombëtarja e Kosovës rrugëtimin e saj në këtë turnirë prestigjioz e filloi duke mposhtur Italia LND 2-1.

Në ndeshjen e dytë pas rezultatit të barabartë me Abbruzzos me penallti e mposht me rezultat 5-4, në ndeshjen e tretë ishin më shumë më të mirë se Kombëtarja e Greqisë duke e mposhtur 3-1, ndërsa në finale ka mposhtur Lazion U19 me rezultat 2-1 me golat e Jasharit e Burrutit.

Përzgjedhësi i Kombëtares së Kosovës U-19, Ramiz Krasniqi, ka theksuar se djelmoshat e tij kanë treguar cilësi dhe kulturë të lartë sportive. “Ishte një turne shumë pozitiv. Kemi zhvilluar katër ndeshje për pesë ditë dhe kryesisht kemi luajtur më futbollist titullar për të parë më afër formën e tyre. Në këtë turne kemi treguar futboll cilësor, ishte një turnirë shumë kualitativ. Të dalluar nga ne ishin 13 futbollist të cilët e kanë arsyetuar fanellën, ndërsa ata që kanë pasur hapësirë më të vogël në ndeshje do të kenë mundësi në rastet tjera të dëshmojnë kualitetin e tyre”.