Kosova U19 nuk e kalon fazën para kualifikuese të Kampionatit Evropian

Kombëtarja e Kosovës U19 i ka përmbyllur me humbje kualifikimet për eliminatorët për Kampionatin Evropian.

Futbollistët e Kosovës U19, në ndeshjen e tretë të zhvilluar kanë pësuar humbje nga nikoqiri Uellsi me rezultat 2-0.

Nga tri ndeshjet e zhvilluara Kombëtarja e Kosovës ka arritur një barazim dhe dy humbje, dhe në këtë mënyrë nuk ka arritur të kualifikohet në “Elite Round” për Kampionatin Evropian 2020.

Futbollistët e Kosovës kanë zhvilluar një ndeshje mjaft të mirë, por edhe njëherë u dëshmua pa përvoja e tyre në arenën ndërkombëtare, duke pësuar në minutat e fundit të pjesës së parë golin të cilin e shënoi Pinchard.

Dardanët e Kosovës edhe në pjesën e dytë treguan lojë të mirë, por fati ishte ndaj tyre ndërsa Blendi Morinës golin ja mohoi shtylla pingule.

Në minutën e 77-të, u akordua penalti për vendasit, gjuajtjen e N.Williams së pari e mbron Terziu, por në tentimin e dytë Williams nuk gabon.

Kualifikimet për “Elite Round”, nga grupi i Kosovës, i kanë siguruar Rusia e Uellsi./rajonipress/

Shpërndaje.
© RAJONIPRESS