Kosova U19 mëson kundërshtarët për “Elite Round”, në grup me Spanjën

Kombëtarja e Kosovës U19 ka mësuar kundërshtarët për “Elite Round”, në kuadër të kualifikimit për Kampionatin Evropian U19.

“Dardanët” e rinj ndodhen në një grup mjaftë të vështirë, me kombëtare si Spanja, Austria dhe Sllovenia.

Kësisoj, Kosova nuk do ta ketë aspak të lehtë duke marrë parasysh se kualifikohet vetëm vendi i parë.
Faza kualifikuese do të zhvillohet në Slloveni, në muajin mars më saktësisht nga 20 deri më 26 mars 2024. Kështu, kombëtarja e drejtuar nga Maliqi duhet të bëjë sërish paraqitje fantastike për të avancuar në Evropian.

Kujtojmë, Kosova U19 bëri paraqitje të mrekullueshme për t’u kualifikuar në “Elite Round” ku ishin në një grup me kombëtare si Ukraina, Sllovakia dhe Malta./rajonipress/