Kosova U19 bën histori në Austri, kualifikohet në “Elite Round”

Gjilan – Përfaqësuesja e Kosovës në futboll U19 nga tri ndeshjet e zhvilluara në shtetin e Austrisë të vlefshme për eliminatorët për Kampionatin Evropian të futbollit i cili do të mbahet në Finlandë në vitin e ardhshëm ka shënuar dy fitore kësaj radhe viktimë e djelmoshave të Përzgjedhësit Ramiz Krasniqit ishin Kombëtarja e Lituanis e cila u mposht me rezultat 3-0.

Përfaqësuesja e Kosovës e cila bënte pjesë në Grupin e 6 së bashku me Austrinë, Izraelin dhe Lituanin është renditur në pozitën e dytë me 6 pikë, Stadiumi Burgerau në Saalfooen të Austrisë ishte arenë e gëzimit dhe të lotëve të gëzimit duke e bërë futbollin e Kosovës krenar që në historikun e saj për herë të parë të merr pjesë në Kampionatin Evropian nga të gjitha kategoritë e futbollit

Djelmoshat e Ramiz Krasniqit edhe njëherë treguan se puna e bërë në grumbullimet e Përzgjedhësit të Kosovës U19 Ramiz Krasniqit është bërë në mënyrë kualitative edhe pse në kushte të vështira në disa momente

Viktimë e futbollistëve të Kosovës kësaj radhe ishin futbollistët nga Lituania e cila u mposht me rezultat të thellë 3-0 ne këtë ballafaqim u tregua cilësi e lartë e futbollistëve ndërsa edhe njëherë trim i kësaj ndeshje ishte talenti i madh i futbollit të Kosovës futbollisti i Dritës së Gjilanit Leutrim Kryeziu i cili shënoi dy gola

Serinë e golave e hapi Kryeziu në minutën e 27 duke sjellë emocione të mëdha, ky gol sikur ju dha krah futbollistëve, Kryeziu në fillim të pjesës së dytë në minutën e 48 u kujdes edhe për golin e dytë të cilin e shënon nga pika e bardhë, ndërsa fatin e këtij takimi e vulos dy minuta më von Gentrit Limani duke i dhënë nokdaun skuadrës mysafire.

Përfaqësuesja e Kosovës kualifikohet në garat e mëtutjeshme në “Elite Round”, ku do të formohen katër grupe , me nga katër skuadra të cilat do të jen mjaft të forta, por ky kualifikim për futbollin e Kosovës është një përkushtim më i madh që të punohet në mënyrë cilësore me njerëz kualitativ./sylejman ismajli/rajonipress/