RCCOLA

Kosova U17 mposht Azerbajxhani në Turqi

/ 2 minuta lexim

Në stadiumin “Altinodu Metia Oktay Tesislari” në Kusadasit të Izmirit në Turqi, Përfaqësuesja e Kosovës në futboll U17 me lojë të bukur ka mposhtur Përfaqësuesen e Azerbejxhanit me rezultat 2-0.

Kjo fitore është në kuadër të turneut të madh të futbollit ““2017 Mercedes Benz Agean Cup U-16”, që po mbahet në shtetin e Turqisë.

Futbollistët e Kosovës treguan lojë të mirë duke shënuar dy herë në portën kundërshtare, golashënues ishin B. Krasniqi dhe O.Bilalli.

Uji Dea

Në ndeshjen e ardhshme Përfaqësuesja e Kosovës do të takohet me Shqipërinë.

Pas ndeshjes Përzgjedhësi i Përfaqësueses së Kosovës U17, Besnik Kollari ka deklaruar.
“Unë i përgëzoj futbollistët për shpirtin luftarak dhe fitues që treguan sot në këtë ndeshje dhe ku mbizotëruam plotësisht. Kishim bërë një analizë të mirë paraprake të lojës së Azerbajxhanit e ku pikëtuam pikat e forta e të dobëta të rivalit. Mendoj se ju kundërvumë me sukses. Kjo fitore na i rritet shpresat dhe vullnetin për ndeshjen e radhës kundër Shqipërisë. Por, ne duhet të qëndrojmë me këmbë në tokë dhe këtyre djemve u nevojitet edhe më tej përvojë”./rajonipress/