Kosova shënon ditën e Evropës

Prishtinë – Me aktivitete të ndryshme në Kosovë sot shënohet Dita e Evropës. Përfaqësuesit e institucioneve vendore dhe ndërkombëtare i kanë uruar qytetarët e Kosovës me rastin e 9 Majit – Ditës së Evropës. Presidentja Jahjaga dhe kryeministri Thaçi uruan qytetarët e Kosovës, me rastin e 9 Majit, Ditës së Evropës.

Jahjaga ka thënë se 9 maji Kosovën e gjen të bashkuar rreth vlerave dhe vizionit të integrimit në BE. Sipas saj, integrimi i Kosovës në BE varet nga angazhimi i të gjithëve. “Integrimi në BE varet prej nesh, prej institucioneve dhe qytetarëve, prej vullnetit dhe angazhimit tonë për të dëshmuar se jemi pjesë e Evropës dhe vlerave të saj.

Kurse kryeministri Thaçi, ka shprehur mirënjohjen ndaj shteteve të Bashkimit Evropian që, sipas tij, kontribuuan në të gjitha format për përkrahjen, mbrojtjen, çlirimin dhe ndërtimin e Kosovës si në të kaluarën e afërt, ashtu dhe në ditët e sotme.

Kjo ditë, e cila edhe në Kosovë shënohet zyrtarisht, simbolizon lindjen e Evropës së bashkuar, krijimin e paqes dhe miqësisë midis kombeve të kontinentit, thuhet në mesazhet e presidentes dhe kryeministrit.(koha)