Kosova rrezikon të mbetet pa ushtri edhe në këtë mandat

Anëtarët e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, dhe njohësit e çështjeve të sigurisë kanë bërë me dije se Lista Serbe do të vazhdojë edhe më tutje ta bllokojë formimin e Forcës së Armatosur të Kosovës.

Deputetët Rexhep Selimi e Zafir Berisha dhe ish-komandanti i FSK’së, Kadri Kastrati, kanë vlerësuar se duhet të rishikohet mundësia që ushtria të bëhet duke mos e pyetur fare Listën Serbe.

Sipas tyre, nëse ky proces do të varet nga ky subjekt politik, Kosova rrezikon të mbetet pa ushtri edhe në këtë mandat, shkruan “Epoka e re”.