Kosova nuk e shfrytëzoi mendimin pozitiv të GJND-së

Vjosa Osmani, ish-anëtarja e ekipit juridik në procesin e mbrojtjes së ligjshmërisë së aktit të shpalljes së pavarësisë së Kosovës pranë Gjykatës Ndërkombëtare të Drejtësisë, ka përkujtuar emocionet kur para tri vjetësh GJND-ja po jepte verdiktin mbi atë që ajo bashkë me jurist tjerë vendës e ndërkombëtar po e mbronin.

Pavarësisht argumenteve të mjaftueshme nga ana e mbështetësve të pavarësisë së Kosovës, ajo e pranon se në momentin e vendimit, ankthi i ishte rritur, pasi nuk mund të dihej epilogu i vendimit.

Në një intervistë për Tribunën, deputetja Osmani vlerëson se Mendimi i GJND-së, i cili doli pozitiv, paraqet ndër të arriturat më të mëdha të Kosovës në rrugën e saj të gjatë për shtetndërtim. Pavarësisht nga ky mendim i GJND-së, Osmani ka thënë se Serbia arriti të aktivizohet shumë shpejtë në planin e saj alternativ për të shpërndarë të pavërteta rreth mendimit të GJND-s.(Tribuna)