Kosova në dorë të Blatterit

Futbolli kosovar është i përqendruar krejtësisht ka Zurichu, ku gjendet selia e FIFA-s. Aty të hënën presidenti i shtëpisë së futbollit botëror, Sepp Blatter do ta merr një vendim shumë të rëndësishëm për Kosovën, mbase edhe historik.

Zvicerani do të vendos për ta lejuar apo jo Kosovën të zhvilloj ndeshje miqësore ndërkombëtare. Në fakt, ai pritet t’ia jep dritën jeshile Federatës së Futbollit të Kosovës (FFK) për të organizuar ndeshje të atilla.

Por, mbetet e paqartë nëse do të vendos apo jo modalitete në atë vendim.
FFK-ja ka qenë e qartë në kërkesën e saj. Ka kërkuar leje për të organizuar asi ndeshje, pa kurrfarë kushtëzimesh.

Kurse, pala serbe fillimisht ka kundërshtuar, por pastaj ka kërkuar nga FIFA që nëse veç e lejon Kosovën të zhvilloj ndeshje të atilla, atëherë kosovarët mos të përdorin simbole shtetërore, por t’i përmbahen fusnotës, e cila ka rrjedh nga bisedimet politike të zhvilluara në Bruksel mes Qeverisë së Kosovës dhe Qeverisë së Serbisë.

Madje, Beogradi zyrtar ka kërkuar që Kosova të mos organizoj ndeshje me shtetet tjera të dala nga ish Jugosllavia, por vetëm me vendet ato që e kanë njohur pavarësinë e saj…(Tribuna – Arena).