Kosova mund të dështojë si shtetndërtim…

Nga Fadil Maloku – Rekomandimi i përvojave nga këto vende na del se tipat e tillë duhen mbajtur sa më larg pushtetit dhe fuqisë që ai prodhon. Përndryshe, ngecja, autoritarizmi, bankrotimi dhe atrofizmi i institucioneve inkluzive është evident.

1. Historia e kombeve të suksesshme dëshmon qartë se shtetet e brishta, nëpërmjet institucioneve të konsoliduara politike dhe ekonomike, një pluralizmi kuptimplotë, sundimit të ligjit, një tregu të lirë, pastaj një qasje kreative ndaj gjeneratave të reja, sidomos një transparence të bashkëdyzuar me llogaridhënie të theksuar, e kanë shumë më lehtë ta rindërtojnë vendin dhe vetën e tyre.

2. Shtetet e reja dështojnë shkaku i deformimeve që shfaqen në ndërtimin e institucioneve inkluzive politike. Përvoja dëshmon se shtetet e reja zakonisht bankrotojnë kur njerëzit e fuqishëm (duke tentuar që me çdo kusht të mbesin në pushtet!) fillojnë ta shtojnë lakminë dhe ambicien nëpërmjet vënies nën rrogoz të qeverisë dhe institucioneve të tjera vendimmarrëse në shoqëri. Simptoma, tash evidente në shoqërinë e Kosovës.

3. Rekomandimi i përvojave nga këto vende na del se tipat e tillë duhen mbajtur sa më larg pushtetit dhe fuqisë që ai prodhon. Përndryshe, ngecja, autoritarizmi, bankrotimi dhe atrofizmi i institucioneve inkluzive është evident.