Kosova mban stërvitjen e fundit para përballjes me Qipron, Rrahmani stërvitet normalisht
RajoniPress
20:54, 26 Shtator, 2022
Përfaqësuesja e Kosovës do të luaj ndeshjen e fundit në Ligën e Kombeve.
Dardanët do të përballen me Qipron të martën mbrëma në ‘Fadil Vokrri’ me fillim nga ora 20:45.
Nën urdhrat e trajnerit Alain Giresse, futbollistët kanë mbajtur stërvitjen e fundit para përballjes me Qipron nën reshjet e shiut mbi kryeqytetin kosovar.
Dardanët e kanë mbajtur stërvitjen e fundit, ku Amir Rrahmani ka qenë aktiv gjatë tërë kohës, derisa Arijanet Muric ka pushuar me qëllim të rikuperimit nga lëndimi.
Fitorja do t’ia mundësonte Dardanëve ta mbajnë pozitën e dytë në Grupin 2 të Ligës C në Ligën e Kombeve, teksa me barazim nuk do të rrezikonte rënien në Ligën D.
Atmosfera në kampin e Dardanëve është shumë e mirë dhe futbollistët pritet të japin maksimumin për tu rikthyer te fitoret. /Telegrafi/
