Kosova larg të qenit pjesë e Bolonjës, ndonëse e praktikon atë

Prishtinë – Kosova aplikon në tërësi sistemin e Bolonjës në arsimin e lartë tash e 15 vjet, por deri tani nuk ia ka dalë të jetë anëtare e saj për shkak të pengesave politike.

Përpos një numri të madh kriteresh që Kosova duhet të zbatojë për të qenë anëtare e Bolonjës, përkatësisht e Hapësirës Evropiane të Arsimit të Lartë, si parakusht për të aplikuar në këtë sistem, ajo duhet të jetë edhe anëtare nënshkruese e Konventës Kulturore të Evropës. E nënshkruese të kësaj Konvente nuk mund të jenë vetëm vendet që nuk janë anëtare të Këshillit të Evropës.

Kosova nuk është pjesë as e njërës dhe as e tjetrës. Kjo është pengesa kryesore që nuk i jep të drejtë Kosovës për të qenë anëtare e Bolonjës.

Kosova qe tri herë ka aplikuar për t’u bërë pjesë e Bolonjës, që nga viti 2001 që kur ajo zbaton në praktikë sistemin bolonjez. Në të tria rastet ka marrë përgjigje negative.

http://koha.net/?id=27&l=70158