Kosova ka nevojë për EULEX-in

Misioni i BE-së për sundim të ligjit (EULEX) duhet të vazhdojë të qëndrojë në Kosovë, derisa institucionet vendore të kenë kapacitetet e nevojshme për të mos lejuar hendekun që ekziston në drejtësinë kosovare.

Kështu u tha në konferencën me titull “Strategjia për asistencë në sektorin e sundimit të ligjit në Kosovë”, e cila u mbajt në Ditën Ndërkombëtare për Drejtësi Sociale. Aty u tha se sistemin e gjyqësorit vazhdon ta preokupojë numri i madh i lëndëve të pazgjidhura, si dhe mungesa e gjyqtarëve.

Ministri i Drejtësisë, Hajredin Kuçi, deklaroi se Kosova që nga shpallja e Pavarësisë e deri më tani ka marrë një numër reformash në fushën e drejtësisë e të cilat janë mundësuar falë ndihmës së donatorëve dhe partnerëve ndërkombëtarë./zeri/