Kosova fton Mirlind Kryeziun për dy ndeshjet e radhës

Njëri nga mbrojtësit më të talentuar në Zvicër, Mirlind Kryeziu edhe zyrtarisht do të jetë pjesë e Kosovës.

Pasi ditë më parë lojtari kishte konfirmuar se ka marrë pasaportën e Kosovës për Telegrafin, tani atij i ka shkuar edhe ftesa.

Përzgjedhësi i Përfaqësueses së Kosovës, Bernard Challandes e ka ftuar qendërmbrojtësin për dy ndeshjet e radhës në muajin nëntor.

Burime të Telegrafit pranë futbollistit shtatlartë kanë konfirmuar se ftesa për lojtarin tanimë ka shkuar në klubin e Zurichut.

21-vjeçari do të jetë në mesin e 23 futbollistëve të ftuar për dy ndeshjet e radhës.

Kosova fillimisht do të luaj në udhëtim te Malta me 17 nëntor, ndërsa pas tri dite në stadiumin Fadil Vokrri pret Azerbajxhanin.

Kryeziu ka qenë pjesë e të gjitha grupmoshave të Zvicrës, por në fund vendosi ta përfaqësojë Kosovën.

Qendërmbrojtësi këtë edicion ka luajtur tetë ndeshje me Zurichun, shtatë në kampionat dhe një tjetër në Kupën e Zvicrës. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).