Kosova e nis fuqishëm garën në Dubai, renditet mes shteteve më të fuqishme

Ekipi përfaqësues i Kosovës në garën ndërkombëtare të robotikës, “First Global Challenge”, ka arritur të shënojë fitore në pesë raunde të kësaj gare, që po mbahet në Dubai të Emirateve të Bashkuara Arabe.

Aktualisht, nga 191 vende të botës, Kosova renditet në mesin e top 20 vendeve të para me më së shumti raunde dhe pikë të fituara.

Kosova fitoi raundet në përmballje me shtete të fuqishme në fushën e robotikës, si Rusia, Franca, Gjermania, Sllovenia dhe vende tjera.

Gjithashtu, mentorit të ekipit përfaqsues të Kosovës në këtë garë, Erjon Ahmeti, i është ndarë medalje nga organizatorët e kësaj gare, si tutori më i mirë i ekipeve të të gjitha shteteve pjesëmarrëse.

Gara më e madhe në fushën e robotikës që po mbahet në Duabi, do të zhvillojë punimet edhe nesër, më 27 tetor 2019.

Ekipi përfaqësues i Kosovës tash e disa muaj është përgatitur në laboratorët inovativë të mekatronikës në UBT, teksa punën e kanë zhvilluar nën mbikëqyrjen e stafit akademik të UBT-së. Bashkërisht, ata kanë ndërtuar robotin inovativ me të cilin ekipi po garon në FIRST Global Challenge 2019.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).