Kosnett takohet me Lajçakun, rikonfirmon mbështetjen e SHBA-së për BE-në në dialogun Kosovë-Serbi

Ambasadori i SHBA-së në Kosovë, Philip Kosnett, është takuar me përfaqësuesin e posaçëm të BE-së për dialogun Kosovë-Serbi, Miroslav Lajçak.

Përmes një postimi në “Twitter”, Kosnett ka thënë se Lajçakut ia ka rikonfirmuar mbështetjen e SHBA-së për dialogun.

Ai po ashtu ka thënë se qëllimi i këtij dialogu do të jetë një zgjidhje gjithëpërfshirëse dhe integrim më i thellë për të dyja vendet.

“Në takimin e sotëm me Miroslav Lajçak, rikonfirmova mbështetjen e SHBA-së për një bashkëpunim në dialogun, të udhëhequr nga BE-ja. Qëllimi ynë: një zgjidhje gjithëpërfshirëse dhe integrim më i thellë Euro-Atlantik nga e cila përfitojnë të gjithë qytetarët e Kosovës dhe Serbisë”, ka shkruar Kosnett./Zëri

Shpërndaje.
© RAJONIPRESS