Korrupsioni s’po luftohet fort

Raportet në mes Prokurorisë dhe Gjykatës kanë shënuar regres. Gjithashtu, nuk ka progres në sanksionimin e veprave penale kundër korrupsionit. Ky është vetëm njëri nga konstatimet e nxjerra nga Agjencia Kundër Korrupsionit (AKK) në analizën e publikuar katër ditë më parë për vitin 2012; “Mbi ndjekjen dhe gjykimet e rasteve korruptive në Kosovë”.

Bashkë me të dhënat për punën e AKK-së në luftë kundër korrupsionit, ky institucion me shifra tregon punën e të tjerëve në luftën kundër korrupsionit, si Policisë së Kosovës (PK), Doganave, Administratës Tatimore, Prokurorisë dhe Gjykatës.

AKK-ja konstaton se nga të dhënat e mbledhura nga këto institucione, numri më i madh i veprave penale të karakterit korruptiv edhe gjatë vitit 2012, ka të bëjë me veprën penale, “Shpërdorimi i detyrës zyrtare” (Tribuna).