Koretini i tha PO Amir Canajt

Kamenicë – Presidenti Behgjet Pacolli, Kryetari i AKR-së Fatmir Matoshi si dhe ministra e zëvendës ministra, ishin pjesëmarrës për të konfirmuar edhe një herë përkrahjen e tyre për Kryetarin e ardhshëm Amir Canaj, dhe të gjitha zotimet e tij në takimin elektoral të mbajtur në Koretin.

Në praninë e shumë qytetarëve të mbledhur, Kryetari Amir Canaj shpalosi disa nga projektet që ka planifikuar për Koretin e Kamenicë. Të gjitha këto prekin kryesisht rregullimin e disa problemeve të cilat janë lënë mënjanë edhe përkundër dëmeve të shkaktuara në banorët e fshatit Koretin, si; rregullimi i kanalizimit dhe mënjanimi i ujërave të zeza përmes ndërtimit të kolektorëve, pastaj investimi në infrastrukturë e bujqësi, e cila konsiderohet mundësi shtytëse për avancimin e bujqëve, dhe jo vetëm.

Presidenti Behgjet Pacolli, ka theksuar se Kamenica do ta ketë mbështetjen e plotë të Qeverisë së Kosovës dhe ministrive të AKR-së. Ai ka përmendur ndërtimin e Pendës së Kremenatës si një projekt jetik për Kamenicën, Ndërtimin e autostradës, trajtimin e ujërave të zeza përmes ndërtimit të kolektorëve në fshatrat që shtrihen përgjatë lumit Kriva Reka dhe lumit të Hososhit dhe projekte të tjera me rëndësi.

Kryetari i AKR-së Fatmir Matoshi, ka bërë thirrje që të votohet Amir Canaj, sepse padyshim është kandidati më I kirë për t`ia kthyer shpresën Kamenicasve.

Mbështetje kryetarit Canaj i ka dhënë edhe Ministri I Punëve të Brendshme Flamur Sefaj.
Në këtë tubim, u bë edhe prezantimi i kandidatëve për Asamble Komunale, për të cilët, subjekti politik AKR është përkujdesur që të jenë më të mirët për kërkesat e qytetarëve të vet, duke prekur çdo shtresë si; studentë, individë me përvojë politike, biznesmenë e pjesëtarë të familjeve të dëshmorëve./rajonipress/