Kontrabandim të mallit dhe transportim ilegal të kafshëve, policia i kap të dyshuarit

Gjilan – Në fshatin Novosellë njësiti patrullues ka ndaluar veturën të cilën e drejtonte i dyshuari mashkull kosovar, ku gjatë kontrollit janë gjetur mallra komerciale pa dokumente. Me vendim të prokurorit malli është konfiskuar nga dogana, ndërsa rasti shkon në procedurë të rregullt.

Edhe në fshatin Bresalc, të Gjilanit është arrestuar një i dyshuar mashkull kosovar pasi i njëjti është ndaluar me automjetin e tij, me të cilin ishte duke transportuar në mënyrë ilegale barna ineksione kundër trashjes së gjakut dyshohet nga Maqedonia e veriut.

Në këtë rast dyshohet të jetë i përfshirë edhe një mashkull tjeter. Malli është konfiskuar dhe dërguar në terminalin doganor dhe me urdhër të prokurorit i dyshuari është dërguar në mbajtje.

Kurse në fshatin Hodonoc, Muqivërc të Kamenicës njësiti policor ka ndaluar një automjet me ngasës mashkull kosovar, në kamion kishte një kafshë-lopë për të cilën nuk kishte dokument përkatës. Është njoftuar njësiti i AVUK-ut të cilët kanë bërë verifikimin dhe konfirmojnë se kafsha është pronë e një mashkulli kosovar. Rasti në procedurë të rregullt njoftoi policia e Kosovës./rajonipress/