Kontrabanda nuk ndalet, ndryshon formë

Në pikëkalimin ku qëndrojnë bashkë policia e doganierët serbë e shqiptarë kalon material ndërtimor, produkte ushqimore dhe ushqim i kafshëve. Kryesisht mallra që nuk kanë vlerë të madhe tregtare.

Me dhjetëra policë nga të dyja anët e pikëkalimit janë vetëm dhjetëra metra larg njëri-tjetrit dhe duket se nuk kanë shumë punë.

Pjesën më të madhe të kohës e kalojnë duke pirë kafe dhe duke llafosur me njëri-tjetrin.

Kur ekipi i gazetës “Tribuna” mbërriti në pikën 31 në Zubin Potok, përfaqësuesit e EULEX-it dhe doganierët e policët shqiptarë kaluan në pjesën veriore, ndërsa serbët kaluan në anën e tyre të pikëkalimit (kah Serbia).

Fotografimi dhe biseda zyrtare me ta nuk është lejuar, ndërsa thonë se marrëveshja është duke u zbatuar pa kurrfarë problemi dhe se deri më tani nuk ka parregullsi (Tribuna)