Konsumimi i perimeve të pagatuara e dëmton lukthin

Ngrënia e karrotave dhe perimeve të tjera të pagatuara, mund ta dëmtojë biomën e zorrëve në mënyrë drastike, shkruan Dailymail, transmeton Gazeta Ezpress.

Në një hulumtim të mbajtur me minj dhe njerëz, shkencëtarët kanë gjetur se konsumimi i perimeve të papërpunuara, mund t’i dëmtojë bakteret e mira në zorrë, të cilat kolektivisht njihen si mikrobioma e organizmit.

Hulumtuesit tregojnë se kjo ndodh për shkak se perimet e pagatuara kanë disa përbërës, të cilët kanë aftësi t’i mbysin mikroorganizmat, që do të thotë se shumë nga bakteret e mira të organizmit do të shkatërrohen.

Ekipi i udhëhequr nga Universiteti i Kalifornisë, ka thënë se këto gjetje ndihmojnë njerëzit të kuptojnë se cilat ushqime janë më të mira për mikrobiomën e organizmit tonë dhe cilat prej tyre preferohen të gatuhen apo jo.

Pjesëmarrësit e këtij studimi konsumuan dietën e përcaktuar nga shkencëtarët për tri ditë. Më pas atyre iu bënë analiza, të cilat treguan se mikrobioma e atyre që kanë ngrënë perime të pagatuara, ishte shumë më e dëmtuar në krahasim me ata që kanë ngrënë perime të gatuara.

“Është shumë interesante ta kuptosh sesi mënyra e gatimit e ka këtë impakt në mikrobiomën e organizmit”, tha udhëheqësi i studimit.

Ky studim u publikua në revistën “Nature Mikrobiology”. /Gazeta Express