Konstituohet Këshilli Drejtues i Universitetit të Gjilanit

Gjilan – Në këtë mbledhje u zgjodh Kryesuesi i Këshillit të Universitetit të Gjilanit “Kadri Zeka”, Akademik Fejzullah Krasniqi, Zëvendës kryesuese Fitore Malaj dhe Sekretar i Këshillit u zgjodh Sadik Haxhiu.

Më 28.08.2015, është mbajtur mbledhja Konstituive e Këshillit Drejtues të Universiteti të Gjilanit “Kadri Zeka”. Në mbledhje ishin prezent të gjithë anëtarët: Fejzullah Krasniqi, Arben Dërmaku, Fitore Malaj, Shpresë Qamili, Sadik Haxhiu, Mensur Neziri dhe Arben Sahiti, si dhe përfaqësuesi i Ministrisë së Arsimit, Bekim Samadraxha në cilësinë e vëzhguesit nga ana e Ministrisë.

Mbledhjen e hapi kryesuesi i Përkohshëm, gjegjësisht anëtari më i vjetër i Këshillit, Fejzullah Krasniqi. Të gjithë anëtarët u zotuan se do të respektojnë Statutin e Universitetit, Ligjin mbi Arsimin e Lartë si dhe do të punojnë me përkushtim dhe përgjegjësi maksimale.

Në këtë mbledhje u zgjodh Kryesuesi i Këshillit të Universitetit të Gjilanit “Kadri Zeka”, Akademik Fejzullah Krasniqi, Zëvendës kryesuese Fitore Malaj dhe Sekretar i Këshillit u zgjodh Sadik Haxhiu.

Këshilli Drejtues mori vendim që në javën e parë të shtatorit, të shpall konkursin për zgjedhjen e rektorit./rajonipress/