Konstatimi që indirekt mund të sjellë paragjykime!
RajoniPress
20:38, 2 Shtator, 2024
| 9 muaj më parë
Nga Shefik Sadiku – Intervistat me ish të burgosurit politikë shqiptarë në ish Jugosllavi, të transmetuara në TV Dukagjini me konstatimin se dhunën kundër të burgosurve shqiptarë kryesisht e kanë bërë udbashët shqiptarë, sjellë këto përfundime, të paqëllimshme, paragjykuese.
- Se udbashët shqiptarë kanë torturuar të burgosurit shqiptarë e jo Jugosllavia dhe Serbia. Ç`është e vërteta dhunën kundër shqiptarëve e ka ideuar, planifikuar Jugosllavia, por këtë e ka kryer edhe me shërbëtorët e vet shqiptarë. E mira do të ishte që inspektorët shqiptarë të ishin në nivelin e detyrës dhe të mos bëheshin vegla qorre të UDB-së. Ka pasur edhe ndonjë inspektor shqiptar që ka vepruar dinjitetshëm, por të tillët fatkeqësisht kanë qenë pak.
- Se këtë dhunë e paskan bërë shqiptarët, e jo edhe udbashët serbë. Po në burgjet dhe hetuesitë e UDB-së jashtë Kosovës kush e shkaktonte dhunën mbi shqiptarët që ka qenë shumëfishë më e tmerrshme se në Kosovë?
- Nuk është e vërtetë se dhuna kundër shqiptarëve është bërë me vullnetin e udbashëve shqiptarë, por kjo dhunë ka qenë platformë, program dhe doktrinë e Jugosllavisë, gjegjësisht Serbisë kundër shqiptarëve, mjerisht edhe me ndihmën e disa shqiptarëve. Këto konstatime, jo të qëllimshme, sjellin paragjykime te gjeneratat e reja që nuk kanë njohuri për gjendjen e shqiptarëve në ish Jugosllavi.
