Konkurset e aranzhuara

Komuna e Preshevës, pse jo edhe e Bujanocit, do të hyjnë në Libër të Ginisit për Konkurset e aranzhuara për punësim.

Këto pushtete lokale, Konkurseve për punësim u kanë vënë një kusht goxha të vështirë, duke filluar nga ndërmarrjet publiket, të cilat për themelues e kanë pushtetin e deri te institucionet shkollore dhe shëndetësore.

Sot është bërë privilegj për të zënë punë përmes këtyre Konkurseve, të cilat kërkojnë disa prioritete: Së pari për ta kaluar pragun e këtij “konkursi” duhesh të jesh dhëndër i komunarëve, birë apo bijë e deputetit, kushëri i kryetarit, drejtorit, sekretarit e kështu me radhë. Nëse nuk u përket lidhjeve të këtyre pozitarëve, vështirë e ke të ngulitesh nëpër këto institucione, ose të paktën të marrësh ndonjë orë të gjuhës serbe, biologjisë, kimisë, etj – etj nëpër shkolla, ambulancë dhe institucione publike.

Po qe se je “akraba” me pushtetarët, nuk merren parasysh kualifikimet, nota e studimeve, paraqitja në BVI-në e punësimit etj. Me rëndësi është të kesh një shkollim të mesëm dhe të jesh dhëndër i ndonjë funksioneri.

Duke i marrë parasysh të gjitha këto kushte të Konkurseve të aranzhmuara, kam shpreh gatishmëri të bëhem dhëndër për së dyti herë i këtyre funksionarëve e posaçërisht i Riza Halimit vetëm e vetëm të punësohem thuhet ne reagimin e Kujtim Sadriut./rajonipress/