Konjufca: Do ta bllokojmë Kuvendin deri në tërheqjen e nënshkrimit për Zajednicën

Glauk Konjufca, shef i grupit parlamentar të Lëvizjes Vetëvendosje ka bërë të ditur se opozita nuk do të shkojë në mbledhjen e kryesisë dhe është obligim i tyre që ta mbrojnë shtetin e Kosovës. Sipas tyre Kuvendi do të bllokohet deri në tërheqjen e nënshkrimit të Isa Mustafës për Zajdenicës. Sipas Konjufcës kjo thirrje po behet për t’i bindur që të mos bllokohet Kuvendi i Kosovës.

“E ne pikërisht kuvendin duam ta bllokojmë pasi që Kosova nuk do të jetë më e njëjta pas Zajednicës”, ka thënë Konjufca.

“Nëse kryeministri e heq nënshkrimin do t’u kthehemi betejave normale politike. Me Zajednicën është ndryshe, sepse me Zajednicën Kosova federalizohet. Në këtë kuptim, në si opozitë kemi të drejtë ta mbrojmë shtetin e Kosovës. Ne do të vazhdojmë me bllokimin e Kuvendit.” , ka vazhduar më tej ai.

“Askush nuk e ka derdhur gjakun në luftën çlirimtare, asnjë deputet nuk ka mandat prej qytetarëve, askush nuk është zgjedhur, për ta dëmtuar sovranitetin e shtetit tonë. Për këtë arsye opozita nuk do të heq dorë nga bllokimi i Kuvendit, derisa Isa Mustafa ta tërheqë nënshkrimin e “Zajednicës”.