Konjfuca: Nuk ka përplasje me LDK-në për kryeministër, për 10 ditë përfundojmë negociatat

Glauk Konjfuca nga Lëvizja Vetëvendosje ka pohuar se nuk ka asnjë përplasje me LDK-në, sa i përket postit të kryeministrit.

Këto komenteKonjfuca i bëri pas takimit të pestë të grupeve parlamentare LVV-LDK, duke thënë se në takim ka pasur pajtueshmëri të madhe mes dy subjekteve, transmeton Telegrafi.

“Nuk ka përplasje sa i përket kryeministrit. Kurrë nuk është kontestuar fakti se kryeministri i Kosovës, pas pamundësisë së arritjes së koalicionit parazgjedhor me LDK-në, prej atij momenti ne ua kemi shpjeguar se kryeministri zgjidhet përmes popullit. Ne ua lam qytetarëve atë, dhe kjo tashmë është e qartë se mandatari për kryeministër i takon subjektit, i cili ka fituar më së shumti vota”, ka thënë ai.

Konjufca ka thënë se për dhjetë ditë do të përfundojnë negociatat me LDK-në rreth formimit të Qeverisë së re./Telegrafi/