Kongresmeni amerikan: Specialja e dhimbshme për Kosovën, OKB-ja nuk është opsioni i mirë

Përfaqësuesi në Kongresin e SHBA-së, Eliot Engel ka deklaruar se Kosova duhet t’ia jep dritën jeshile Gjykatës Speciale, në të kundërtën, nuk do të ishte e mirë që OKB-ja ta bënte një gjë të tillë. Zyrtari i lartë amerikan i cili po qëndron në një vizitë në Kosovë, këto deklarata i ka dhënë pas takimit që zhvilloi sot me presidenten e Republikës, Atifete Jahjaga.

Lobisti kryesor i shqiptarëve në Kongresin Amerikan tha se me presidenten e Kosovës ka biseduar për shumë çështje, përfshirë këtu edhe Gjykatën Speciale, shkruan zëri.info

“Jam i vetëdijshëm se bëhet fjalë për një vendim të vështirë që duhet marrë. Nëse nuk është Gjykatë Speciale atëherë duhet të jetë një Gjykatë e cila monitorohet nga Kombet e Bashkuara. Unë personalisht nuk mendojë se opsioni me OKB është ide e qëlluar sepse nuk mendoj se Kosova merr atë që meriton nga Kombet e Bashkuara”, ka thënë ky zyrtar amerikan, duke shtuar se Specialja sa do që është e vështirë dhe e dhimbshme, është zgjedhja më e mirë për Kosovën, transmeton zeri.info

Ndryshe, Engel nesër pritet të takohet edhe me zyrtar të Qeverisë Mustafa. Me Zëvendës-ministrin e Punëve të Jashtme Petrit Selimi. Takimi me të do të mbahet në ndërtesën e Qeverisë së Kosovës në sallën P37, duke filluar nga ora 11:00. /Zëri/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).