Konflikti në Ukrainë, Majko: Ushtria Ruse po sulmon rajonet shqipfolëse në Odesa

Ish-kryeministri i Shqipërisë, Pandeli Majko është shprehur sot se Ushtria Ruse po sulmon rajonet shqipfolëse afër qytetit e Odesës, të njohur ndryshe si shqiptarët e Ukrainës.

Në një njoftim në Twitter, Majko ka thënë se mjafton një kërkim në Google për fjalët “Arnaut, Odesa” dhe secili do të kuptoj se po sulmohet një pjesë e historisë së shqiptarëve në Ukrainë.

“Është Ukraina që flet shqip! Mospëlqimi i frikacakëve është lavdia e trimave”, ka shtuar Majko.

Ushtria Ruse po sulmon qytetin e Odesës! Kërkoni në Google… fjalët “Arnaut, Odesa” dhe do ta kuptoni se po sulmohet një pjesë e historisë së shqiptarëve.
…Eshtë Ukraina që flet shqip!
Mospëlqimi i frikacakëve është lavdia e trimave.https://t.co/5CMDV7zTzS

— Pandeli Majko (@PandeliMajko) March 2, 2022

Sipas një reportazhi të Top Channel, në Ukrainë jetojnë rreth 5,000 shqiptarë të larguan nga zona e Korçës, fill pas pushtimit turk.

Ata për 200 vjet jetuan në Bullgari. Më pas një pjesë u zhvendosën në Ukrainë dhe kanë 300 vjet që jetojnë aty. /Telegrafi