Konfiskohen mallra të kontrabanduara në dy fshatra të Kamenicës

Kamenicë – Në fshatin Novosellë dhe Muqivercë të Kamenicës policia ka konfiskuar mish të kontrabanduar dhe fruta që hynin nga Serbia në Kosovës.

Në fshatin Novosellë, të Kamenicës, është raportuar se gjatë patrullimit policia ka ndaluar të dyshuarin mashkull shtetas të Serbisë dhe gjatë kontrollit në bagazh të veturës i është gjetur një sasi mishi, që dyshohet të ketë kontrabanduar nga Serbia.

Me vendim të prokurorit vetura dhe malli i janë sekuestruar dhe dërguar në terminalin doganor. I dyshuari pas intervistimit është liruar.

Edhe në fshatin Muqivercë, është shoqëruar në stacionin policor i dyshuari mashkull kosovar, pasi që në automjetin e tij kishte të ngarkuar mallra të ndryshme (fruta), të dyshuar që janë të kontrabanduar.

Me vendim të prokurorit, mallrat u janë dorëzuar autoriteteve doganore, ndërsa i dyshuari është liruar në procedurë të rregullt njoftoi policia e Kosovës./rajonipress/