Konfiskohen armë e municion në Kamenicë e Viti

Gjilan – Në fshatin Koretin, të Kamenicës policia e Kosovës përmes rrugëve operative ka poseduar informata se një person dyshohet të jetë i armatosur dhe i njëjti është duke ardhur nga Gjilani në drejtim të Kamenicës me një veturë Taxi. Në hyrje të fshatit Koretin është ndalur vetura “Passat”, me targa 06 nga njësitet hetuese të stacionit policor të Kamenicës.

Është kontrolluar vozitësi shqiptar shtetas i Kosovës si dhe pasagjeri po ashtu shqiptar shtetas i Kosovës, ku te pasagjeri është gjetur një pistoletë e kalibrit 9 mm, “PARO” prodhimi i Belgjikës, një karikator dhe me tetë (8) copë fishek të kalibrit 9mm.

Gjatë kontrollit të automjetit është gjetur edhe një pistoletë tjetër, pa fishekë dhe pa numër serik, prodhim “Rusë”.

Pas procedurave të parapara ligjore dy të dyshuarit ndalen në mbajtje për 48 orë. Rasti procedohet në PTH .

Edhe në fshatin Kabash të Vitisë është realizuar urdhëresa e lëshuar nga Gjykata, për bastisje të shtëpisë dhe objekteve përcjellëse të dyshuarit shqiptar shtetas i Kosovës.

Gjatë kontrollit është gjetur dhe konfiskuar një pistoletë “TT” prodhim YU, kalibri 7.62 mm, një karikator si dhe katër (4) copë fishek kalibri 7.62 mm. Rasti i referohet PTH në procedurë të rregullt njoftoj policia e Kosovës./rajonipress/