Konfirmohet: Shqiptarët kanë tre deputetë në Kuvendin e Serbisë

Shqiptarët e Luginës së Preshevës zyrtarisht kanë tre përfaqësues të tyre në Kuvendin e Serbisë.

Ish-kryetari i Bujanocit, Shaip Kamberi, i cili tash e tutje pritet të jetë deputet në Kuvendin e Serbisë, ka bërë të ditur se koalicioni i partive shqiptare përfundimisht ka arritur të sigurojë tri mandate në parlamentin e Serbisë.

Kamberi ka thënë se ky sukses i partive shqiptare në Luginë erdhi si rezultat i bashkëpunimit mes partive shqiptare me Tiranën zyrtare dhe përkrahjes edhe nga Prishtina.

Ai ka thënë se kjo ngritje e fuqisë politike të shqiptarëve që duhet materializuar në ndërtimin e strategjisë së përbashkët.

“Tre mandate për deputet të siguruara tashmë nga “ADSH- Lugina e Bashkuar”, si rezultat i një bashkëpunimi të partive shqiptare me Tiranën dhe përkrahjes së Prishtinës. Ngritje e fuqisë politike të shqiptarëve që duhet materializuar në ndërtimin e strategjisë së përbashkët”, ka shkruar Kamberi.

Kjo është hera e parë që partitë shqiptare në Luginën e Preshevës kanë bashkuar forcat dhe kanë marrë pjesë me një koalicion të vetëm në zgjedhjet e përgjithshme të Serbisë.

Ky është numri më i madh i deputetëve që kanë fituar ndonjëherë partitë shqiptare në parlamentin serb.

Postimi i plotë i Kamberit, pa ndërhyrje:

Tre mandate për deputet të siguruara tashmë nga “ADSH- Lugina e Bashkuar”, si rezultat i një bashkëpunimi të partive shqiptare me Tiranën dhe përkrahjes së Prishtinës.

Ngritje e fuqisë politike të shqiptarëve që duhet materializuar në ndërtimin e strategjisë së përbashkët. /Lajmi.net/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).