Konfirmohet rasti i parë në Gjilan me H1N1

Gjilan – Xhevat Demiri shef i repartit të Infektives në spitalin e Gjilanit tha për rajonipress se pas verifikimit nga ana e Institutit Kombëtarë të Shëndetit Publik është konfirmuar se pacientja rreth moshës 40 vjeçare nga Gjilani është e prekur nga gripi i derrave i njohur si virusi H1N1.

Në Spitalin Rajonal të Gjilanit tashmë edhe zyrtarisht konfirmohet rasti i parë i prekur me H1N1. Për rajonipress lajmin e ka konfirmuar dr. Xhevat Demiri shef i repartit të infektives.

Demiri tha se i kanë dërguar analizat në Institutin Kombëtar të Shëndetit Publik e cila ka verifikuar se pacientja e moshës rreth 40 vjeçare nga Gjilani është e prekur me virusin H1N1.

Demiri tha se pacientja është e martuar dhe ka 4-5 ditë që është e shtrirë në repartin e infektives. Sipas tij pacientja në repart ka ardh me temperaturë, ethe, dhimbje muskujsh, djersitje, humbje e oreksit, dhimbje gjoksi etj.

Demiri tha se për momentin gjendja e pacientes është stabile dhe po trajtohet me Tamiflu. Demiri apelon tek institucionet qendrore shëndetësore që ta ndihmojnë spitalin e Gjilanit me medikamentet e nevojshme pasiqë nuk është rasti i parë. Një rast më herët që vdiq në Klinikën e Infektives në Prishtinë e që ishte nga Vitia kishte shkuar pikërisht nga Spitali i Gjilanit.

Gjithashtu, Demiri tha se kanë pasur dhjetarë raste të dyshuar me këtë virus por fatmirësisht shumica janë kthyer me analiza negative. /rajonipress/