Konçuli, më 10 dhjetor me menaxhim të integruar të kufirit

Shefi i ekipit negociator të Beogradit në bisedimet teknike me Prishtinën, Dejan Paviqeviq ka deklaruar se janë duke u bërë përgatitjet për vendosjen e objekteve montuese në vendkalimet kufitare.

Ai ka thënë se punët do të jenë të gatshme deri më 10 dhjetor, kur duhet të fillojë të përmbushet plotësisht Marrëveshja për Menaxhimin e Integruar të Kufirit (IBM).

Ai ka folur edhe për pakënaqësinë e serbëve të veriut të Kosovës në lidhje me vendosjen e këtyre objekteve në Jarinje, Merdar dhe Konçul, shkruan Koha.

“Jemi në kontakt të vazhdueshëm me serbët ne veri dhe e kuptoj brengën e mosbesimin e tyre, por po përpiqemi që t’ua shpjegojmë se kjo do të funksionojë dhe nuk do të sjellë kurrfarë çrregullimi. Madje mund të jetë më lehtë dhe do të ndjehet më pak ndasia ndaj pjesës tjetër të Serbisë”, është shprehur Paviqeviq.

Ai ka theksuar se në Bruksel këtë javë është biseduar për zbatimin e IBM-së.

Sipas tij, raundi i ri i bisedimeve do të jetë në javën e ardhshme, ndërkaq kur të mbarojë dialogu për IBM-në, ai ka thënë se do të nisin bisedimet për telekomunikacionin dhe energjetikën.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).