Komunat serbe të Anamoravës pajtohen të paguajnë ujin e harxhuar

Gjilan – Sot në lokalet e KRU “Hidromorava” në Gjilan është bërë ceremonia e nënshkrimit të marrëveshjeve për shërbime në mes KRU “Hidromorava” në Gjilan dhe 4 komunat e reja të cilat ndodhen në regjionin e Aamoravës, Komuna e Ranillugut, Komuna e Novobërdës, Komuna e Parteshit dhe Komuna e Kllokotit.

Marrëveshjet e nënshkruara do të hapin mundësit e fillimit të investimeve të cilat priten të ndodhin për rehabilitimin e sistemeve ekzistuese të ujësjellësit dhe në tërë regjionin e Anamoravës.

Pas rehabilitimit dhe pranimit teknik të këtyre sistemeve pritet që këto sisteme të integrohen plotësisht në KRU “Hidromorava” me themelimin edhe të 4 njësive të reja operative në komunat e reja.

Ky program do të realizohet nga asociacioni i përbashkët Dorsch Group (nga Gjermania) dhe CDI (nga Kosova) dhe financohet nga Qeveria Zvicerane dhe Qeveria e Kosovës.

Programi pritet të përfundojë në fund të vitit 2017, KRU “Hidromorava” do të jetë në vazhdimësi në koordinim me Dorsh-Cdi për mbarëvajtjen e këtij projekti me rëndësi për regjionin tha Momin Morina./rajonipress/