Komunat janë të angazhuara për të quar përpara procesin e integrimeve evropiane
Gjilan – Në Viti është mbajtur një seminar me temën “Institucionet lokale në procesin e Integrimeve Evropiane” derisa Nexhmedin Arifi, duke folur në këtë takim, ka theksuar se Institucionet lokale janë të angazhuara që të japin kontributin në mënyrë që të ecet para me procesin e integrimeve evropiane.
Me rastin e 9 Majit- Ditës së Evropës, organizuar nga Zyra për Integrime evropiane, është mbajtur një seminar me temën: Institucionet lokale në procesin e Integrimeve Evropiane.
Me këtë rast, kryetari i komunës së Vitisë Nexhmedin Arifi, duke folur në këtë takim, ka theksuar se Institucionet lokale janë të angazhuara që të japin kontributin në mënyrë që të ecet para me procesin e integrimeve evropiane.
Ai ka kërkuar bashkëpunim dhe angazhim edhe më të madh nga të gjitha institucionet, por edhe vet qytetarët, që secili të ndikoj pozitivisht në këtë proces. Për rëndësinë e 9 Majit Ditës së Evropës, si dhe për rëndësinë e kësaj dite ka folur Florim Brahimi, i cili mes tjerash ka përmendur edhe rolin e Institucioneve karshi procesit të integrimeve.
Brahimi gjithashtu foli edhe për sfidat e nivelit lokal nga raporti i studimit të fizibilitetit për Kosovën, si dhe riintegrimin e personave te riatdhesuar. Në këtë seminar, ishin të pranishëm edhe përfaqësues të organizatave lokale, drejtor të drejtorive komunale etj. /rajonipress/