Komuna stimulon investitorët

Kamenicë – Kuvendi i komunës e mbajti seancën e parë të cilën e udhëhoqi kryesuesi i Kuvendit Bajram Dermaku. Në seancë të pranishëm ishin:kryetari i komunës Begzad Sinani, drejtorët e drejtorive komunale dhe OJQ-të, e ndryshme të cilat veprojnë në komunën e Kamenicës. Kuvendarët të gjitha pikat e shqyrtuara i aprovuan pas debateve të zhvilluara nga ana e tyre.

Pika për të cilën u zhvillua debati,ku këshilltarët e gjitha partive ishin pjesëmarrës në diskutime, e herë herë për të kanalizuar e sqaruar çështjen kyçej në diskutime edhe kryetari i komunës z. Begzad Sinani. Pra, ishte çështja e dhënies pronës komunale për shfrytëzim afatgjatë personave fizik e juridik, por duke pasur parasysh interesin e Komunës. Diskutimet ishin që komuna duhet t`i stimuloj investitorët që duan të investojnë në komunën e Kamenicës. Por, shpesh problemi qëndron mos përputhja e kërkesave me planin zhvillimor komunal të cilin duhet a duhet ta zbatojë komuna.

Pas arsyetimeve e sqarimeve të kryetarit u aprovua kjo pikë. Këshilltarët komunal e përkrahën memorandumin e nënshkruar i kryetarit me KON, lidhur me mbështetjen e dy sportistëve nga komuna e jonë, Musa Hajdari e Vijona Kryeziu, reprezentues për lojërat olimpike Rio2016. Edhe kërkesën për mbështetje financiare Donikë Kastrati, për pjesëmarrje në garat e drejtësisë “Philip C.Jessup” në Amerikë. Edhe një kërkesë për një ndihmë financiare të Studentes Donikë kryetarit që tha se vlerat, sukseset afirmative duhet të përkrahën./rajonipress/