Komuna pastron shtratin e lumit në Miresh

Gjilan – Vërshimet e fundit edhe në fshatin Dobërçan shkaktuan dëme të konsiderueshme si nëpër pronat-shtëpitë e bashkëfshatarëve, poashtu pati dëme edhe në infrastrukturë edhe ashtu jo të mirë si rrugë, kanalizim thotë Ibish Ibishi këshilltar komunal nga ky fshat. Sipas tij organet komunale tashmë e kanë pastruar shtratin e lumit i cili ishte dëmtuar pas reshjeve të fundit.

Ibishi tha se kemi dërguar njoftimin-kërkesën tek organet komunale, Drejtoria e Shërbimeve publike dhe pas krijimit të kushteve për intervenim, sot bënë pastrimin, thellimin e shtratit të lumit si dhe materiali i nxjerrë nga lumi u shfrytëzua brigjeve të lumit e që do të mbetet si pengesë-mbrojtje për vërshime të tjera të mundshme.

Ibishi ka falënderuar angazhimin e organeve komunale ato të Shërbimeve Publike drejtorin Sokol Haziri me bashkëpunëtorët e tij. “Besojmë se bashkëpunimi ynë me organet komunale nuk do të mungoj edhe në të ardhmen dhe do të jemi në shërbim të qytetarëve dhe se për kërkesat, nevojat-kushtet tona organet komunale janë të njoftuara dhe njoftohen rregullisht kështu që bashkëpunimi nuk do të mungoj edhe në të ardhmen” tha Ibishi./rajonipress/