Komuna nuk i paguan dëmet e vërshimeve, Rashiti kërkon llogari

Gjilan – Riad Rashiti këshilltar komunal nga radhët e PDK-së ka kërkuar nga Valentina Bunjaku Rexhepi që të japi përgjigje rreth dëmeve që e kanë përfshirë Gjilanin në kohën e vërshimeve, derisa asnjë familje nuk është kompensuar. Rashiti tha se komuna po trembet kur opozita po kërkon llogari.

Riad Rashiti tha se komuna po trembet kur opozita po kërkon llogari dhe përgjegjësi për dëmet nga vërshimet. “Mos u trembni kur po kërkojmë llogari për të hollat e buxhetit. A ka ndonjë plan për kompensimin e qytetarëve për demet e ndodhura gjatë vërshimeve. Pse nuk po jepni llogari e përgjegjësi për dëmet nga vërshimet, pse nuk po paguhen familjet e dëmtuara, a ka bërë kërkesë Komuna në Qeveri për tu kompensuar këto familje” ishte reagimi i Riad Rashitit.

Kurse Rexhep Kadriu tha se nuk kemi thënë se do i paguajmë dëmet. “Kanë ndodhur tri vërshime në Gjilan dhe ne kemi bërë kërkesë edhe në Qeveri dhe në momentin që do marrim përgjigje nga Qeveria atëherë do i paguajmë të gjitha dëmet” tha Kadriu./rajonipress/