Komuna i rekomandon autokombajnerëve që të mos fillojnë me korrje – shirje

Gjilan – Drejtori i Bujqësisë, njëherit edhe kryesues i Komisionit Komunal, ka kërkuar nga kombajnerët që t’i bëjnë të gjitha përgatitjet deri në fillimin zyrtar të fushatës së korrje-shirjeve dhe të mos fillohet me korrje para pjekjes së plotë të grurit, (lagështia brenda normave optimale është 12 deri 13 për qind).

Komuna e Gjilanit, përkatësisht Komisioni Komunal për korrje-shirje, ka mbajtur takim sot me autokombajnerët me qëllim të njoftimit për kushtet e korrjes, si dhe përgatitjet teknike të autokombajnerëve.

Në takim ka marrë pjesë drejtori i Bujqësisë, Ramiz Ramadani dhe ai për Mbrojtje dhe Shpëtim, Ensar Kadriu.

Duke iu drejtuar të pranishmëve, drejtori i Bujqësisë, njëherit edhe kryesues i Komisionit Komunal, ka kërkuar nga kombajnerët që t’i bëjnë të gjitha përgatitjet deri në fillimin zyrtar të fushatës së korrje-shirjeve dhe të mos fillohet me korrje para pjekjes së plotë të grurit, (lagështia brenda normave optimale është 12 deri 13 për qind).

“Po ashtu, kërkoj nga ju që të respektohen me rigorozitet kushtet e korrjes dhe çmimi i rekomanduar prej 100 euro”, ka thënë Ramadani.

Ndërkaq, drejtori për Mbrojtje dhe Shpëtim, Ensar Kadriu, ka shprehur zotimin se në rast të zjarreve eventuale, janë ekipet e zjarrfikësve janë të gatshëm të intervenojnë në çdo kohë.

Ai ka kërkuar nga bujqit që të mos ndizen hamulloret sepse do të shqiptohen gjobat mandatore në harmoni me ligjin. /rajonipress/