Komuna e Vitisë përkrah fuqishëm shoqatat e grave

Viti – Kryetari i Komunës së Vitisë, Sokol Haliti gjatë këtij takimi u shpreh se institucioni të cilën ai e udhëheq në bashkëpunim me donatorët do të vazhdojnë të punojnë që kjo komunë të zhvillohet në të mirën e përbashkët.”Të gjithë jemi duke punuar bashkë që këtë vend, pra Vitinë tonë të dashur të zhvillojmë bashkërisht, natyrisht përmes potencialeve të cilat i kemi” u shpreh Haliti.

Me iniciativën e Kryetarit të Komunës së Vitisë, Sokol Haliti, Drejtoria për Bujqësi, Pylltari dhe Zhvillim Rural e Komunës së Vitisë ka mbajtur sot një takim në mes të shoqatave të grave, donatorëve dhe të institucioneve komunale.

Qëllimi kryesor i këtij takimi është mbështetja dhe fuqizimi i grave përmes institucioneve komunale dhe donatorëve. Në këtë takim përveç përfaqësuesve institucional dhe të organizatës IKC kanë marrë pjesë edhe shumë gra të cilat janë aktive në më 5 shoqata në lokalitetet e ndryshme të komunës së Vitisë.

Kryetari i Komunës së Vitisë, Sokol Haliti gjatë këtij takimi u shpreh se institucioni të cilën ai e udhëheq në bashkëpunim me donatorët do të vazhdojnë të punojnë që kjo komunë të zhvillohet në të mirën e përbashkët.”Të gjithë jemi duke punuar bashkë që këtë vend, pra Vitinë tonë të dashur të zhvillojmë bashkërisht, natyrisht përmes potencialeve të cilat i kemi” u shpreh Haliti.

Ai tha se në Komunën e Vitisë ka potenciale të mjaftueshme për zhvillimin e kësaj komune duke përmendur organizimin grupor, bujqësinë, ekonominë e vogël duke theksuar se pa organizim të mirëfilltë me institucionet e ndryshme nuk mund të këtë zhvillim.

Ai ndër tjerash falënderoj gratë e këtyre shoqatave por edhe donatorët për punën që po e bëjnë në të mirën e këtij vendi.

Ndërkaq Veton Ademi, Drejtor për Bujqësi, Pylltari dhe Zhvillim Rural ka folur për trekëndëshin e partneritetit në mes të komunës, konkretisht të DBPZHR-së, donatorët dhe të shoqatave të grave. “Aktiviteti ynë, ka qenë i mirëfilltë në kuptimin e bashkëpunimit me shoqatat ekzistuese të grave. Por një ndër objektivat tona për zhvillim dhe avancim ka qenë nxitja e shoqatave të reja të grave, dhe tani në komunën e Vitisë janë disa shoqata të grave, të cilat me formimin e tyre po gëzojnë suksese individuale dhe kolektive” u shpreh Ademi.

Ndërkaq gjatë këtij takimi ka folur edhe drejtori i organizatës IKC, Ekrem Bajrami i cili ka thënë se ka 4 vjet që kjo organizatë është duke punuar në Viti, duke potencuar se organizatë ka punuar në krijimin e shoqatave kryesisht të grave dhe bëri me dije që në Komunën e Vitisë operojnë 5 shoqata të cilat janë përkrahur nga kjo organizatë.

Ndërsa gjatë këtij takimi kanë folur edhe Fadile Demelezi nga GVL-Vitia, Ibadete Hyseni, Zyrtare për Barazi Gjinore në Viti, por edhe shumë persona të tjerë.

Nga ana e tyre gratë lidere të këtyre shoqatave falënderuan donatorët dhe institucionet komunale për mbështetjen e vazhdueshme që po e japin ndaj shoqatave të grave./rajonipress/