Mobi Casa

Komuna e Vitisë përfituese e projektit për ndërtimin e fushës ndihmëse

/ 2 minuta lexim

Në komunën e Vitisë, së shpejti mund të ndërtohet fusha ndihmëse për klubet të cilat janë në Superligën e Kosovës. Kjo u bë me dije sot pas një takimi tre palëshe në mes të Kryetarit të Komunës së Vitisë, Sokol Haliti, Kryetarit të Federatës së Futbollit të Kosovës, Fadil Vokrri dhe të Ministrit për Kulturë, Rini dhe Sport, Kujtim Gashi. Vlera e këtij projekti është 250 mijë euro, 120 mijë euro do të investohen nga FFK-ja (Federata e Futbollit të Kosovës) kurse me 100 mijë euro do të participoj MKRS-ja e vetë Komuna do të investojë 30 mijë euro.

Pas këtij takimi kryetari i komunës së Vitisë, Sokol Haliti tha se përmes këtij investimi të rëndësishëm do të krijohen hapësira të mjaftueshme për futbollistet vitias me qëllim që ata të kenë ku stërviten dhe të tregojnë talentin e tyre. “Sot është një ditë e veçantë për futbollistet vitias pasi u pajtuam të tri palët për ndërtimin e fushës ndihmëse. Ky projekt ka një rëndësi të veçantë për ta pasi që përmes tij për futbollistët tanë po krijohen hapësira të mirëfillta për të stërvitur që të jenë sa më të përgatitur”, u shpreh Kryetari Haliti.

Eco Higjiena

Ai falënderoj FKK-në dh MKRS-së që kanë zgjedhur Vitinë për të bashkëpunuar./rajonipress/