Komuna e Vitisë merr donacion një veturë nga MASHT-i

Viti – Komuna e Vitisë ka pranuar një automjete të përdorur si donacion nga Ministria e Arsimit Shkencës dhe Teknologjisë, të cilat pritët t’a lehtësojnë edhe më shumë punën dhe efikasitetin e institucioneve komunale.

Automjeti është i llojit “Suzuki” dhe është i përshtatshëm për të gjitha terrenet duke përfshirë edhe ato malore.

Institucionet Komunale të Vitisë në ditët në vijim do të kryejnë të gjitha procedurat e regjistrimit dhe bartjen e këtij automjeti në pronësi të Komunës.

Duke folur rreth këtij donacioni Kryetari i Komunës së Vitisë, Sokol Haliti ka falënderuar MASHT-in duke vlerësuar se automjetet e tilla do të rrisin efikasitetin e punës së institucioneve komunale karshi shërbimeve ndaj qytetarëve.

Pranim-Dorëzimin e ka bërë përfaqësuesi i MASHT-it, Skendër Vitia, dhe tha se kjo ministri do t’i shikon mundësinë që edhe në të ardhmen ta mbështes komunën e Vitisë në format e ndryshme.

Ky donacion ka ardhur pas kërkesës së drejtuar nga Institucionet Komunale të Vitisë./rajonipress/