Komuna e Vitisë me apel drejtuar qytetarëve për kujdes të shtuar ndaj pyjeve

Viti – Duke marrë parasysh rreziqet nga zjarri, në kohën kur edhe temperaturat fillojnë të ngritën, Komuna e Vitisë, respektivisht drejtoria e shërbimeve publike dhe emergjencë, u bënë thirrje qytetarëve për kujdes të shtuar, si masë preventive për shfaqjen dhe përhapjen e zjarreve në fusha dhe pyje.

Me qëllim të mbrojtjes së jetës së njerëzve, pasurisë, kafshëve dhe mjedisit, duhet që të gjithë qytetarët të ndërmarrin masa dhe veprime për evitimin e shkaqeve të zjarrit, për pengimin e mundësisë së zgjerimit të zjarreve, për zbulimin dhe fikjen e tyre.

Çdo zjarrëvënie e qëllimshme, apo nga pakujdesia është e dënueshme dhe sanksionohet me ligjet e Kosovës.

Edhe në këtë kohë pandemie, për fat të keq, kemi pasur zjarre fushore dhe malore, të shkaktuara nga individ të papërgjegjshëm, të cilat, janë shuar me angazhim maksimal nga njësiti i zjarrfikësve në Viti.

U bëjmë thirrje qytetarëve që për çdo rast zjarri të lajmërojnë në numrat:
112 – zyra e alarmit
192 policia
193 zjarrfikësit